Денталната рентгенграфија се бави со снимање на невидливите делови на забите и коските во усната шуплина со цел да се постави прецизна дијагноза, која е неопходна за  правилно планирање и водење на терапијата.

Ласерската стоматологија е современ метод кој употребува ласер и најчесто е употребувана при третман и оформување на гингивите, ендодонтски третман, орално хируршки интервенции.

Детската стоматологија е специјалност која се грижи за здравјето на забите и устата кај децата. Педодонтите исто така особено внимание посветуваат на превенцијата, која вклучува инструкции за правилна исхрана, употреба на флуориди и практикување на орална хигиена.

Пародонтологијата е специјалистичка гранка на стоматологијата кој ги проучува и третира болестите и состојбите кои ги афектираат потпорните структури на забите како што се гингивите, периодонталното ткиво и коската.

Реставративната стоматологија е област на стоматологијата која се занимава со надоместување на структурата и функцијата на изгубени делови од забите предизвикано од кариес односно траума.

Ендодонција е област од стоматологијата која се бави со лекување и третман на случаи кај кои девитализацијата на забите, односно “вадењето на нервот” се единствена можна терапија. Ова се случува кога како последица на напреднат кариес или траума на забот доаѓа до заболување на забниот нерв.

Протетиката е гранка на стоматологијата што се занимава со дизајн, изработка, упасување на артефицијалните надоместоци како коронки, мостови, ламинати, протези.

Белењето на забите претставува процес на менување на бојата на забите, надворешно односно внатре во забот, што резултира во блескава и бела насмевка, изведено во ординација од страна на професионалец.

Козметската (естетска) стоматологија е гранка на стоматологијата чии што третмани имаат за цел да ги подобрат бојата и формата на забите и гингивите.

Имплантологијата е гранка на стоматологијата посветена на денталните импланти, кои се артефицијални ,,корени’’ на заби и ги заменуваат изгубените заби.

Оралната хирургија е специјалистичка гранка на стоматологијата која вклучува низа на хируршки интервенции во оралната шуплина кај пациентите, а најчести се: вадење на заби, хируршко вадење на умници и заостанати корени, апикотомија, цистектомија, подигање на синус и хемисекција.